Geeschtergoër

Et ass fënnef fir aacht. Um Rond-Point Serra dauscht de Verkéier viru sech hin. Ronderëm d’Gare routière um Kierchbierg si vereenzelt Leit ënnerwee, mee di grouss Mënschestréim bleiwen haut aus. Di meescht wäerte fort sinn. Entgéint menge Gewunnechten steieren ech de Kaempff-Kohler un, net ouni mech virdrun ze vergewësseren datt de Subway niewendrun zou ass – wat e net ass. Eigentlech misst ee bei jo esou enger schamloser Offer konsequent laanscht goen, mee haut grommelt mir de Mo. Ausserdeem hält mir de Fënsterbotzer d’Dir op. Also ginn ech eran, wou mech Banquette mat florale Motiver, kënschtlecht Gréngs um Plaffong an …