„D’Zäite si schlecht a ginn net besser“

Wéi wann de Jemp Schuster eng fiktional Kartographie vun enger Regioun wéilt zeechnen, déi gläichzäiteg awer och als Spigelbild vun enger reeller Gesellschaft an enger – an dësem Fall direkt zwou – Epoch(en) kéint gëllen, dréint sech a Spawecken – no Blutsëffer, Ouereschlëffer a Béischten mëttlerweil dem Auteur seng véiert Exploratioun vum Lëtzebuerger Duerfliewen am Norde – alles ronderëm een Nëssert, deen zanter éiweg just den Ampeljong genannt gëtt – e Bam, deen als (guer net mol esou) stommen Zäitzeien am Zentrum vun engem Roman steet, dee versicht, a sengen zwee Deeler ganz ënnerschiddlech Momenter vun der Lëtzebuerger Geschicht mateneen …